Bakasyon
(Para kay Pom)
Ako pa ang
namilit
Na umuwi ka sa
inyo
Makapagbakasyon at makapagpahinga
Inihatid pa nga kita
Nasobrahan naman yata
Labis isang buwan na
Wala ka pa
Bigla, lumakas ang pandinig ko
Umaalingawngaw ang tagas ng gripo
Nakakabingi ang tiktak ng relo
Sa lalim ng gabing ito
Sa sarap ng tulog mo
Maalimpungatan ka sana
At bumalik na rito
-29
Enero 1998
9:40
n.g.
Sampalok,
Maynila
