Literal
Sa alaala ng Sampu ng Palo
Ang sabi ng Mabuting Salita: “Mula sa lupa tungo sa lupa.”
Subalit ang mga sundalo’y hindi kinailangan
Maging literal.
Ang sabi ng mga magbubukid ng Palo: “Balik-uma!”
Subalit ang mga sundalo’y hindi kinailangan
Maging literal.
Ang sabi ng mga magsasaka: “Atin muling pagyamanin ang lupa!”
Subalit ang mga sundalo’y hindi kinailangan
Maging literal.
Ang hiling ng taumbayan: “Nais namin ng matagalang kapayapaan.”
Subalit ang mga sundalo’y hindi kailangang
Maging literal.
-9:45 pm
Nobyembre 29, 2005
Lungsod Quezon
